Fleiri atgongumerki til EM-endaspælið sett til sølu

Fólk sum ætla sær til EM-endaspæl í Oslo, men sum enn ikki hava tryggjað sær atgongumerki, hava nú møguleikan.

Í morgin fríggjadagin verða fleiri atgongumerki sett til sølu. Talan er um góð 400 bólkaatgongumerki, sigur Hondbóltssambandið.

Hetta eru atgongumerki í bólki A, N, 104 og 105. Atgongumerkini eita “Gruppebillet D” og eru til allar innleiðandi dystirnar í bólkinum hjá Føroyum.

Atgongumerki kunnu keypast ígjøgnum hetta leinki frá kl. 11 í morgin.