Hondbóltur

Føroyingarnir í Íslandi byrja endaspælið leygardagin

Landsliðsspælarinir í Vali skulu spæla móti Stjarnuni og Johannesi Bjørgvin. Liðið hjá Sveini Olafsson og Halli Árason skal spæla móti ÍBV.

2025-04-03 16:04 Author image
Agnar Prestá
placeholder

Endaspølini í fleiri deildum í Evropa eru í gongd ella fara í gongd heilt skjótt - millum annað eru føroyingar í Svøríki í gongd nú, og FM-fjórðingsfinalurnar í Føroyum verða spældar um vikuskiftið. 

Sí eisini: FM-fjórðingsfinalur á skránni um vikuskifti

Sí eisini: Óli og Ísak kunnu vinna hálvfinalupláss í kvøld

Í Íslandi leggja menninir til brots við endaspælinum í morgin. Talan er um áttanfapartsfinalur, har tað er fyrst upp í tveir sigrar.

Allir fimm føroyingarnir í deildini eru íblandaðir, og skulu allir spæla fjórðingsfinalu leygardagin.

Tvey føroyingafeløg hittast. Talan er um Val og Stjarnuna. Allan Norðberg og Bjarni í Selvindi taka í fyrstu fjórðingsfinaluni móti Jóhannesi Bjørgvin og Stjarnuni. Liðið hjá strandinginum og skálamanninum er favorittur móti tí hjá Jóhannesi.

[object Object]Allan Norðberg hevði stóran leiklut í teimum báðum dystunum móti Niðurlondum í mars, har Føroyar fingu trý av fýra møguligum stigum (Mynd: Sverri Egholm)

Afturelding er favorittur í sínari. Sveinur Olafsson, Hallur Árason og hinir taka ímóti ÍBV í Mosfellsbær leygardagin klokkan 17.30. ÍBV vann íslendska meistaraheitið í 2023 við Dánjali Ragnarsson og Janus Dam Djurhuus á liðnum. Í ár endaði liðið nummar 6 í grundspælinum - Afturelding endaði nummar 3.

Allir dystirnir hjá liðunum við føroyskum spælarum eru somu dagar.

Fjórðingsfinalur í Íslandi við føroyskum spælarum:

Leygardagin 5. apríl: Valur – Stjarnan, kl. 17
8. apríl: Stjarnan – Valur, kl. 20.30

Møgulig 3. fjórðingsfinala - um liðini vinna hvør sína: 
12. apríl: Valur – Stjarnan, kl. 20.30

5. apríl: Afturelding – ÍBV kl. 17.30.
8. apríl: ÍBV – Afturelding, kl. 20.30

Møgulig 3. fjórðingsfinala - um liðini vinna hvør sína: 
12. apríl: Afturelding – ÍBV, kl. 20.30.

Yvirlit: handbolti.is

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder