Fráferðin til Sveis verður fyrrapartin

Nú er ikki nógv eftir av fyrru niðurteljingini: Fyrrapartin fer føroyski EM-hópurin av landinum. Hetta saman við venjarum, hjálparfólki, HSF-umboðum, stuðlum, familju, fjepparum og familju.

Yvirlit yvir føroyska hópin sæst við at trýsta á myndina

Sum skilst verður talan um eitt fullsett flogfar, og flýgur Atlantic Airways tey yvir 170 fólkini beinleiðis til Basel.

Síðani byrjar niðurteljingin av álvara til byrjanardystin í Basel, sum verður fríggjadagin. Hann verður millum sveisisku vertirnar og Føroyar frammanfyri møguliga útvið 7.000 áskoðarum í St.Jakobshalle.

Væntað verður at upp til 400 av hesum vera føroyingar. 

Les meira: Vænta umleið 400 føroyskar fjepparar í Basel

Savnsmynd: Sverri Egholm

Talan verður um søguliga uppliving. Hetta verður fyrstu ferð, at eitt A-landslið hjá kvinnum skal spæla slíkt endaspæl.

Føroysku kvinnurnar høvdu seinastu venjing undan fráferð á Hálsi í gjár. Eftir at man er komin uppá pláss á gistingarhúsinum seinnapartin er okkurt fundarvirksemi á skránni. Liðið venur í stóru dystarhøllini í morgin, hósdagin. 

Sí eisini samrøður úr Høllini á Hálsi í gjár: 
Jana Mittún: - Hugsavna okkum um stóru uppgávuna - vóna á føroysku áskoðararnir hugna sær

Brynja Høj: - Fyrst og fremst skal verjuspælið vera í lagi

Beinta tekur sær av vøddunum og menniskjanum

Annika Fríðheim Petersen og hinar í føroyska hópinum fara skjótt á flog og lenda eftir ætlan í Sveis um middagsleitið (Mynd: Sverri Egholm)

Portalurin er við á ferðini og hevur næstu vikuna nógv tilfar úr Basel