FSF: 12-0 tapið má gloymast og vit síggja fram ímóti næstu uppgávu

Hjá føroysku kvinnunum ræður nú um at gloyma handan dystin, og síggja fram ímóti næstu uppgávu, sum verður á útivølli móti Ungarn fríggjadagin 8. apríl komandi ár.

Tað sigur heimasíðan hjá Fótbóltssambandinum eftir stórtapið í gjárkvøldið á La Cartuja de Sevilla leikvøllinum í Suðurspania.

Sponsku vertirnir vístu ræðandi styrki, og vunnu 12-0, eftir 5-0 leiðslu í hálvleikinum.

Tað sást beinanvegin, at spanska kvinnulandsliðið telist millum tey bestu í heiminum, og í verandi løtu eru tær nummar 10 á styrkislistanum hjá FIFA.

Kvinnulandsdysturin móti Spania hóskvøldið var samstundis seinasti landsdystur við føroyskari luttøku í hesum árinum.