Fýra dystir á skránni í kvøld

Umfarið, sum varð útsett vegna kulda og kava í mars, fór av bakkastokki í gjárkvøldið í Gundadali. Har fingu HB og Víkingur eitt stig hvør, og var tað meira teir í Víkinga-leguni, ið kundu vera nøgdir við avrikið.

Les eisini: 
Ein ávis ónøgd í Gundadali
Bergur Gregersen: - Tað manglar tað síðsta hjá okkum
Viljormur Davidsen: - Skulu læra at vera meiri tolnir
Myndir frá dystinum

Úrslitið var heldur ikki so galið fyri KÍ og B36, ið kappast við serliga HB í løtuni. Tey bæði liðini, ið spældu steypadyst leygarkvøldið, eru favorittar á útivølli í kvøld. B68 og EB/Streymur kunnu helst bjóða væl av - serliga um B36 og KÍ ikki raka sítt støði. Hjá B36 snýr tað seg um at byggja uppá, meðan liðið hjá Magne Hoseth skal reisa seg á Svangaskarði.

B36 var omaná móti KÍ í áttandapartsfinaluni leygarkvøldið. Nú skulu liðini í eldin aftur í Betrideildini - breiddin hjá B36 kann koma til sín rætt móti EB/Streymi (Mynd: Sverri Egholm)



Eitt lítið sindur av ivamálið hevur verið um dystin á Eiði í dag - soleiðis sá út í Hólmanum fyrrapartin (Innsent)

Nú sær tó væl frægari út. Byrjað verður klokkan 17 á Eiði, og aftaná er stórskíggjatiltak í húsinum. 

07 Vestur vitjar á Argjum. Bæði liðini komu víðari í steypakappingini leygardagin, mem tað var á heilt ymiskan hátt. Eitt heldur skert 07 Vestur-lið stríddi seg til góðan 2-0 sigur í Fuglafirði, har Uros fekk gongd á málskjótingina aftur og ungir menn vístu seg væl fram. AB fekk sítt fyrsta mál í ár, men tað var við brotssparki í yvirtíðini móti 2. deildarliðnum FC Suðuroy. Nú er trýst á AB at vinna sær stig.

Fyrsti dysturin í dag byrjar longu klokkan 16.30. Hann er við Stóra, har uppflytararnir spæla. ÍF og TB hava fingið meira enn góðkenda byrjan uppá kappingarárið men fóru út úr steypakappingini eftir tap á heimavøll. Tað kostaði eisini TB leikbann - Chris Jastrzembski og Jens Erik Bruhn fingu reyð kort - og hetta kann ávirka í spennandi dystinum í dag.

Nakað sum ávirkar eitt sindur í kvøld er hondbólturin. Tíbetur liggur bert ein dystur, meðan landsdysturin á Hálsi koyrir. Tað er tann á Toftum. Á Eiði verður skipað fyri stórskíggjatiltakið eftir fótbóltsdystin. Til ber framvegis at fylgja við øllum dystunum á forsíðu okkara í samstarvi við dystir.fo. Allir dystirnir í kvøld kunnu eisini síggjast í Televarpinum.

*Ein dysti fleiri