Geza Turi spældi yvir hálvan tíma móti Premier League-liði

Síðani bragdið móti Manchester United hevur Geza David Turi spælt ógvuliga lítið fyri Grimsby.

Tað er ein blanding av stíli, einum stórum hópi og landsliðsfótbólti. Geza var við landsliðnum í eina viku í september og aftur eina viku í oktober, og í hesum tíðarbilinum spældi Grimsby samanlagt fýra dystir - League Two hevur ikki landsliðssteðg, og hetta er eitt slag av meinboga hjá føroyska landsliðsmiðvallaranum.

Nú er 24-ára gamli gøtumaðurin aftur í hópinum, og í gjárkvøldið var stór uppgáva á skránni í Carabao Cup.

Tað eydnaðist ikki Grimsby at liva upp til skelkirnar, sum liðið skapti fyrr í minnu ensku steypakappingini - í Sheffield í síðsta umfari og serliga móti Manchester United.

Tað var 3-0 til Brentford í steðginum, og tað varð 4-0, áðrenn Geza Turi og aðrir komu inn í 57. minutti.

Tað endaði 0-5 á Blundell Park, og Brentford fer trygt víðari til fjórðingsfinalurnar í Carabao Cup. Tó var talan um virðismiklan stóran hálvan tíma hjá Geza.