Hanus Sørensen heldur fram at skora

Hann skoraði tvær ferðir móti Montengro hósdagin 9. oktober...

Árni Frederksberg og Hanus Sørensen fegnast um 3-0 málið móti Montenegro fyri átta døgum síðani - Árni legði upp, og Hanus skoraði við stútara (Mynd: Sverri Egholm)

Og havnarmaðurin sló aftur til, tá hann legði Føroyar á odda í 2-1 sigrinum á Kekkia.

Hanus hevur júst kaldliga sent Føroyar á sigurskós móti kekkum (Mynd: Sverri Egholm)

Les eisini: FIFA-styrkislistin: Føroyar fingu flest stig og tóku størsta framlopi

Hanus Sørensen er glóðheitur í løtuni, og eftir trý mál í tveimum dystum á Tórsvølli í glæsiligu landsliðsvikuni, skoraði 24-ára gamli maðurin aftur í kvøld.

Hetta var, tá Hanus Sørensen aftur var í dysti í næstbestu slovensku deildini. NK Triglav Kranj vann 6-0 á botnliðnum Jesenice.

Føroyingurin, sum á landsliðnum spælir sum vongur, var aftur á høgra bakki í sínum felagi. Hetta var tó í einum ógvuliga álopskendum leikluti. Umframt at skora var Hanus við í nógvum hjá heimaliðnum.

Sí eisini: Abbi Hanus bað hann bara leggja bóltin í málið

Fýra mál seinastu tríggjar dystirnar, og Hanus Sørensen og Triglav Kranj eru væl við í uppflytingarstríðnum: Liggja nummar trý í næstbestu slovensku deildini eftir ellivu umfør.

Føroyingurin er leigaður úr slovenska stórfelagnum NK Celje.