Hondbóltur

Her eru HM-bólkarnar

Endaspælið verður í Danmark, Noreg og Kroatia 14. januar til 2. februar.

Tað rakk akkurat ikki til HM-pláss hjá Føroyum, tá liðið fyrr í mánaðinum spældi play-off dystir móti Norðurmakedónia. Tapið í Skopje varð ov stórt (Savnsmynd: Sverri Egholm)

2024-05-31 17:27

Agnar Prestá

Tað kundi verið ein heilt spenanndi og søgulig vika fyri føroyskan hondbólt. Lutakast um bólkabýti til HM-endaspælið hjá monnum í 2025 var í Kroatia mikudagin, og tað var um reppið, at Føroyar komu í pottin.

Føroyska liðið vann við sjey málum í heimadystinum í play-off umfarinum, men fýra dagar seinni vann Norðurmakedónia við átta málum í Skopje. Harvið vóru Føroyar eitt mál frá at koma í brotskastskapping og tvey mál frá HM-endaspælinum.

USA og Sveis fingu sonevndu "Wild Card-plássini" (eyka plássini) Kroatia, Noreg og Danmark eru vertir.

Lutakastið háttaði seg á hendan hátt:

Mynd: IHF

Danmark er trídfaldur heimsmeistari. HM-endaspælið verður 14. januar til og við 2. februar 2025, tá finala og bronsudystir eru á skránni.

Vinarliga broyt tínar kennifíla - og privatlívsstillingar fyri at síggja hetta innihald