Íslendsku meistararnir: HM-pláss hevði verið krúnan á verkinum hendan mánaðin

Sarajevo, Bosnia (Portalurin):- Tá tú sigur, at íslendska meistaraheitið er eitt slag av krúnu á verkið hjá mær við Vali, so hevði HM-plássið sanniliga verið krúnan á verkinum hendan mánaðin.

Hetta staðfesti Allan Norðberg Í beinleiðis sending í Bosnia í dag.

Royndi strandingurin hevur seinastu tíðina spælt fimm finalur um íslendska meistaraheitið saman við millum annað Bjarna í Selvindi: Valur vann eftir drama, og harvið møttu teir mánadagin landsliðsliðfeløgunum sum nýklæktir íslendskir meistarar.

- Tað var øðiliga stuttligt, og vit sluppu at feira tað í tveir dagar - áðrenn fokus fór á landsliðsuppgávuna, staðfestir Allan Norðberg.

- Í Vali skal man helst vinna alt. Vit taptu finaluna í fjør, so man merkti trýstið. Tí var hetta eyka deiligt og sum ein byrða, sum fór av herðunum.

Hoyr alt prátið við íslendsku meistararnir her

Hetta søta meistaraheitið kom í hús við heimaisgri móti FH hóskvøldið. Nú hóskvøldið spæla Føroyar fyrra HM-røkkstøkk dystin í Bosnia & Hersegovina.

Allan Norðberg og Bjarni í Selvindi staðfesta, at talan verður um torføra uppgávu á útivølli - teir gleða seg serliga til seinna og avgerandi dystin við Tjarnir leygarkvøldið klokkan.

Íslendsku meistararnir í góðum lag (Mynd: Sverri Egholm)

Jøvn spurnarkapping um størru seingina

Allan Norðberg og Bjarni í Selvindi eru av ávikavist Strondum og Skála og harvið uppvaksinir í StÍF.

Hóast nakað av aldursmuni kennast teir ógvuliga væl, og hava báðir spælt við nummar fýra í Høllini á Skála.

Liðfelagirnir í Vali eru eisini kamarsfelagar á landsliðnum og á gistingarhúsinum í Bosnia, hevði tann eldri 

So í spurnarkappingini, sum Pætur Nolsøe hevði stílað fyri, stóð størra songin uppá spæl. Tað gjørdist javnt og stuttligt.

Hoyr spurnarkapping og samrøðu við Allan og Bjarna her

Hoyr alla sendingina úr úr Bosnia í dag her

FM1 sendir aftur beinleiðis úr Bosnia klokkan 11 í morgin, mikudagin 13. november

-------------------------------------------

Fyrri røkkstøkkdysturin:
Hósdagin 14. mai, Tuzla (Bosnia)
19.00: Bosnia&Hersegovina - Føroyar

Seinni røkkstøkkdysturin:
Leygardagin 16. mai, við Tjarnir
19.00: Føroyar - Bosnia&Hersegovina

Samanlagdi vinnarin hesa vikuna kemur víðari til HM-endaspælið í januar 2027.