Karl og NSÍ fara hvør sín veg

Í gjár komu eini heilt stutt boð úr NSÍ, at felagið og Karl Abrahamsson Løkin enda samstarvið. Umframt at takka Karl fyri tíðina í NSÍ, ynskir felagið leikaranum góða eydnu framyvir.

Karl Løkin er uppvaksin í NSÍ og umboðaði felagið í bestu føroysku fyri fyrstu ferð í 2007. Tá spældi hann allan dystin í einum 2-1 tapi á útivølli móti SÍ.

Síðani 2007 hevur Karl Løkin spælt flestu dystir sínar fyri ÍF, har hann spældi fyri fyrstu ferð í 2010.

Tilsamans hevur 27 ára gamli miðvallarin leikt 192 dystir í bestu deildini og skora 11 mál. Karl hevur eisini spæl 22 dystir í kappingini um Løgmanssteypið, ein stórsteypadyst og 6 Evropa League dystir, skrivar faroesoccer.com.

Dagført: 11.53