Fótbóltur

Kavin argar framvegis

Kppingarnevndin hjá FSF hevur avgjørt at útseta allar dystirnir í 3. umfari í 1. deild hjá monnum, sum skuldi spælast í morgin. Hvussu verður við øðrum kappingum um vikuskiftið, verður avgjørt aftaná døgurða í morgin, fríggjadag.

Á Tórsvølli liggur eisini nógvur kavi í hesum døgum (Mynd: Hans Erik Danielsen)

Á Tórsvølli liggur eisini nógvur kavi í hesum døgum (Mynd: Hans Erik Danielsen)

2023-03-16 15:00 Author image
Tíðindaskriv
placeholder

Tað sær ikki út til at verða í bræði, at føroyski veturin vil sleppa. Kavin og kuldin hava meir ella minni fingið fastatøkur á fótbóltsvallunum kring landið, og aftur komandi vikuskifti fær hetta avleiðingar fyri onkrar av kappingunum.

Kappingarnevndin hjá FSF hevur í fyrstu atløgu avgjørt, at 3. umfar í næstfremstu deildini hjá monnum, sum er á skránni í annaðkvøld, fríggjakvøldið, fyribils er útsett.

Nærri fráboðan um, hvussu verður við dystunum í Betri Deildunum hjá kvinnum og monnum, og í 2. deild hjá monnum, sum eru á skránni leygardagin og sunnudagin, kemur væntandi tíðliga seinnapartin fríggjadagin.

Viðvíkjandi dystum í kappingini fyri U15, U17 og U21, verður heitt á feløgini um at semjast um annan leikdag, um ikki er spælandi ásettar dagar.

Fótbóltssamband Føroya

Les eisini: Endaliga avgerðin verður tikin í morgin


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder