Fótbóltur

KÍ og HB dystast um Cadburysteypið

Sunnudagin klokkan 18 verður finalan um Cadburysteypið 2021, sum er finalan hjá U15 dreingjum spæld á Tórsvølli. Liðini í finaluni eru KÍ og HB.

KÍ var eisini í finaluni um Cadburysteypið í fjør, men eftir longda leiktíð og brotssparkskapping, var tað B36, ið fór avstað við steypinum (Mynd: FSF)

KÍ var eisini í finaluni um Cadburysteypið í fjør, men eftir longda leiktíð og brotssparkskapping, var tað B36, ið fór avstað við steypinum (Mynd: FSF)

2021-09-25 18:44 Author image
Tíðindaskriv
placeholder

Komandi sunnudag verður Tórsvøllur karmur um finaluna um Cadburysteypið, ið er steypakapping fyri U15 Dreingir. Liðini, ið møtast, eru HB og KÍ. Avspark er klokkan 18:00.

Klaksvíkingar hava vunnið sær pláss í finaluni við at vinna tepurt 2-1 á NSÍ, og síðan ein greiðan 4-1 sigur á Skála í hálvfinaluni.

Fyri dreingirnar í HB hevur vegurin til finaluna verið heldur málríkari. Fyrst vunnu teir reyð-svørtu 5-3 á Víkingi, og síðan mátti longd leiktíð og brotssparkskapping til, áðrenn teir í hálvfinaluni til endans vunnu samanlagt 7-6 á grannunum úr B36.

Dómari í finaluni verður Jón Tór Baldvinsson, og at hjálpa sær hevur hann Annfinn Hjaltalin og Ronni Granddal.

Finalan í fjør var millum KÍ og B36, sum eftir longda leiktíð og brotssparkskapping endaði við sigri til B36. Hetta er triðja árið á rað, at klaksvíksdreingir eru í finaluni um Cadburysteypið.

placeholder
placeholder