Fótbóltur

Klæmint hevur skrivað fótbóltssøgu

Føroyingurin hevur skorað málið hjá Breiðablik í fyrsta hálvleikinum hjá íslendskum felagið í evropeiskum bólkaspæli. Tað er 3-1 til Maccabi Tel Aviv.

Klæmint skoraði fyri landsliðið í Ísrael í 2021 - nú hevur 33-ára gamli rituvíkingurin gjørt tað fyri Breiðablik í evropeiskum bólkaspælsdysti (Mynd: Hans Erik Danielsen)

Klæmint skoraði fyri landsliðið í Ísrael í 2021 - nú hevur 33-ára gamli rituvíkingurin gjørt tað fyri Breiðablik í evropeiskum bólkaspælsdysti (Mynd: Hans Erik Danielsen)

2023-09-21 20:55 Author image
Agnar Prestá
placeholder

Fyrsta málið hjá einum føroyingi í einum evropeiskum bólkaspælsdysti er skotið. Tað var ikki í Slovakia, har KÍ spælir - tað er málleysur javnleikur í steðginum millum KÍ og Slovan Bratislava.

Tað er í Tel Aviv, at Klæmint Andrasson Olsen hevur minkað um munin til 3-1. Breiðablik spælir fyrsta dystin hjá íslendskum liði í einum evropeiskum bólkaspæli, og tað var 33-ára gamli føroyingurin, ið gjørdist søguligur málskjútti. 

Áleyparin setti bóltin inn við aftaru stong eftir flatt innlegg. Klæmint vísti sítt máltev - tað kemur tó helst ikki stig burturúr hjá Breiðablik í Ísrael.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder