Agnar Prestá
Tær báðar fjórðingsfinalurnar í Burn-deildini vórðu spældar í dag í Høllini á Hálsi.
Tann fyrra var millum Kyndil og StÍF. Talan var um ein javnan dyst, men har Kyndil størsta partin av tíðini hevði yvirtakið. StÍF hevði møguleikan at javna, tá eini tjúgu sekund vóru eftir. StÍF fekk brotskast, men skotið hjá Pæturi Barclay rakti tvørtrøðið. Ístaðin fór Kyndil fram og avgjørdi við málinum til 31-29. Danin William Skovsager var stóri maðurin. Danski bakkurin hjá Kyndli skoraði 15 mál.
Sí allar málskjúttar og dystargongd her
Í hinari fjórðingsfinaluni var KÍF omaná allan vegin móti Neistan og vann at enda við fimm málum. Harvið fekk KÍF partvíst lønt Neistanum hálvfinaluósigurin í steypakappingini aftur.
Sí allar málskjúttar og dystargongd her
Í hálvfinalunum skulu kollfirðingar spæla móti steypavinnarunum og FM-favorittunum úr Vestmanna. Kyndil skal royna at knógva føroyameistarunum, H71.
Fjórðingsfinalurnar í Burn-deildini
Í dag, sunnudagin 07.04
Kyndil - StÍF 31-29 (17-15) - Sí fleiri tøl her
Neistin - KÍF - Sí fleiri tøl her
Hálvfinalurnar:
VÍF - KÍF
H71 - Kyndil
Her er tað best av trimum - fyrstu hálvfinalurnar verða spældar mikudagin/hósdagin í vikuni.
Vinarliga broyt tínar kennifíla - og privatlívsstillingar fyri at síggja hetta innihald