Fótbóltur

Longd leiktíð í Cardiff

B36 megnaði ikki at halda tað ella at økja móti Haverfordwest, sum skoraði í 66. minutti. Harvið er aftur neyðugt við 2x15 minuttum eyka í Conference League.

Haverfordwest hevur verið betur við enn í Gundadali og hevur eisini tikið fyrimunin frá B36 (Savnsmynd: Sverri Egholm)

Haverfordwest hevur verið betur við enn í Gundadali og hevur eisini tikið fyrimunin frá B36 (Savnsmynd: Sverri Egholm)

2023-08-03 21:42 Author image
Agnar Prestá
placeholder

Tað skal ikki vera "lætt" avgreitt hjá B36, sum hevur tapt eftir 90 minuttir móti Haverfordwest í Wales.

Heimaliðið hevur skorað einsamalla málið higartil. Tað kom miðskeiðis í seinna hálvleiki, tá Ben Fawcett skoraði. Annars hava fáir málmøguleikar verið í Cardiff.

B36 vann 2-1 í Føroyum, og harvið er neyðugt við longdari leiktíð. Bæði B36 og Haverfordwest endaðu í tí í fyrsta umfari eisini. Walisiska liðið vann seg víðari í Conference League við brotssparkskapping.

B36 hevur heili fimm ferðir áður vunnið seg víðari við longdari leiktíð og/ella brotssparkskapping í Evropa. 

Dysturin kann síggjast á Televarpinum. Til ber eisini at fylgja við á forsíðu okkara.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder