Miðverjar halda fram í EB/Streymi

EB/Streymur er við at brynja til komandi kappingarár. Í farnu viku varð nýggjur formaður valdur, og nýggja nevndin er farin undir arbeiði.

Les eisini: Fróði Reinert Petersen nýggjur formaður í EB/Streymi

Formaðurin hevur nú verið avmyndaður tvær ferðir í hesari vikuni, eftir at sáttmálar eru undirskrivaðir. EB/Streymur hevur tryggjað sær, at tveir av føstu verjuleikarunum seinastu árini halda fram í felagnum í 2020. Hesum boðar felagið frá á heimasíðuni.

Talan er um 24 ára gomlu Andras Ólason Olsen og Petur Zachariassen, ið báðir fingu debut á besta liðnum í 2015. Teir hava spælt nógv saman í miðverjuni og hava eisini nógvar dystir saman í undgómsdeildini.


Andras saman við nýggja formanni felagsins (Mynd: ebstreymur.fo)

Andras Olsen er úr Streymnesi. Hann hevur leikt 91 dystir og skorað 11 mál fyri besta liðið hjá EB/Streymi. Í uppstartinum til hetta kappingarárið fekk stóri verjuleikarin ein álvarsligan skaða í knæði, sum hevði við sær at hann sat uttanfyri alt kappingarárið. Andras hevur seinastu longu tíðina arbeitt hart við at endurvant og er nú til reiðar at koma á vøllin aftur. 


Petur Zachariassen og Fróði Reinert Petersen (Mynd: ebstreymur.fo)

Petur Zachariassen er úr Hvalvík. Í 2017 fekk hann sítt veruliga gjøgnumbrot, tá hann gjørdist ársins stjørnuskot í felagnum. Hann kann spæla í miðverjuni og á bakkinum. Í 2019 spældi Petur 23 dystir fyri besta liðið hjá EB/Streymi; samanlangt hevur verjuleikarin leikt 75 dystir har.  

Les eisini:
Óvissa um venjaraspurningin í EB/Streymi
Framtíðin hjá Rógva er ivasom


Óvissa er framvegis um venjaraspurningin. Jákup Martin Joensne og EB/Streymur hava tosað saman, men einki er komið uppá pláss enn. Tað er nærum heilt greitt, at liðformaðurin seianstu árini, Rógvi Egilstoft Nielsen spælir við NSÍ komandi ár.