Myndir: NSÍ á FM-kós

NSÍ-kvinnurnar eru á meistarakós eftir 3-1 sigurin móti KÍ í kvøld.

Undan dystinum lógu bæði liðini á einum deildum fyrsta plássi við 40 stigum, men runavíkskvinnur renna nú undan. Bara tvey umfør eru eftir at spæla.

Tað var annars Sólja Ernstsdóttir, sum við máli í 40. minutti legði KÍ-kvinnur á odda. NSÍ trýsti, og fyri hálvleik eydnaðist at fáa heili tvey mál. Mirjam Huneck skoraði fyrra málið eftir eitt horna, og seinna málið skoraði Julia Naomi Mortensen uppá brotsspark.

Í seinna hálvleiki økti Heidi Sevdal til 3-1, sum eisini gjørdist úrslitið.

NSÍ kv. - KÍ kv. 3-1 (2-1)
40' Sólja Ernstsdóttir 0-1
44' Mirjam Huneck 1-1
45' Julia Naomi Mortensen 2-1 (br.)
61' Heidi Sevdal 3-1