Myndir: Vandu í nógvum vindi

Sterk avrik skulu síggjast, og nøkur stig skulu helst koma til høldar á Tórsvølli hesa vikuna.

Sum heild hava Føroyar staðið seg væl á Tórsvøll undir Håkani Ericson og toymi, tá talan er um Nations League. Móti Norðurmakedóni fyri einum mánaði síðani kom eitt stig í hús, og avrikið móti sterkasta liðnum í bólkinum var sum heild heildstoypt.

Føroyska liðið skal onkursvegna byggja á tað, men eisini reisa seg eftir tapið í Lettlandi. Um Føroyar ikki fáa nøkur stig, so er stórur niðurflytingarvandi - aftasta liðið í bólkinum flytir niður í niðastu deildina í Nations League ella skal spæla um tað næsta ár.

Spurnartekin eru sett við svenska høvuðsvenjaran hjá Føroyum. Håkan Ericson hevur nú nakrar av sínum lyklaspælarum aftur: Brandur Hendriksson Olsen, Jóannes Bjartalíð og Odmar Færø eru aftur - tað eru málverjarnir Mattias Lamhauge og Teitur Matras Gestsson eisini, umframt Hannes Agnarsson.

Sí eisini: 
Fleiri broytingar í føroyska hópinum til lagnudystin
FSF hevur ikki stórvegis viðmerkingar til landsliðsvenjaraspurningin

Spælararnir hittust á Hotel Føroyum á middegi og venur nú á Tórsvølli. Tað er illfýsið og ikki tær bestu umstøðurnar til fótbóltsvenjing.

Liðið venur aftur í morgin og mikudagin - hóskvøldið klokkan 19.45 vitjar Armenia. Sunnukvøldið klokkan 19.45 er tað Føroyar - Lettland.

Nations League Deild C, bólkur 4
3. umfar, hósdagin 10.10 á Tórsvølli
19.45: Føroyar - Armenia

Atgongumerki

4. umfar, sunnudagin 13.10 á Tórsvølli
19.45: Føroyar Lettland

Atgongumerki

Støðan: 
1. Norðurmakedónia 4 stig
2. Armenia 3 stig
3. Lettland 3 stig
4. Føroyar 1 stig *

* Niðasta liðið í deildini flytir niður ella skal spæla um tað næsta ár.

Sí myndir