Annað

Næstbest í smálandakappingini

Leygardagin byrjar nýggj avbjóðing fyri føroyska talvlandsliðið. EM í Montenegro.

Høgni Egilstoft Nielsen, vinstrumegin, var ein tryggur skansi á 1. borði hjá Føroyum. Hann var ósigraður í kappingini, og fekk sjey stig í níggju dystum

Høgni Egilstoft Nielsen, vinstrumegin, var ein tryggur skansi á 1. borði hjá Føroyum. Hann var ósigraður í kappingini, og fekk sjey stig í níggju dystum

2023-11-07 06:58 Author image
Innsent
placeholder

Tað eydnaðist ikki føroyska talvlandsliðnum at endurvinna kappingina fyri smátjóðir í Evropa á hesum sinni.

Andorra vann hesa áttandu kappingina, sum varð hildin á Jersey.  Føroyar endaðu nummar tvey av teimum tíggju liðunum. Føroyar vunnu sjey dystir, taptu ein og telvaðu ein javnan. Úrtøkan var 15 dystarstig og 26 borðstig.

Ósigurin fyri Luksemburg í fyrsta umfari kom okkum aftur um brekku, tí Andorra vann allar sínar dystir uttan tann móti Føroyum. Tá var úrslitið 2-2.

Góður endaspurtur

Føroyar vunnu sínar seinastu dystir. Móti San Marino og Jersey gjørdu føroyingar bart, og í síðsta umfari fingu vit tepran sigur á Monako.

7. umfar (2. november)

[object Object]8. umfar (3. november)

[object Object]9. umfar (4. november)

[object Object] 

Úrtøkan hjá føroysku telvarunum:
Høgni Egilstoft Nielsen 7/9
Martin Poulsen 4½/7
John Rødgaard 4/7
Luitjen Akselsson Apol 6½/8
Jón í Horni Nielsen 4/5

Endaliga støðan (Small Nations 2023)

[object Object]

Vinnarar í smálandakappingini (2009 - 2023)

2023 Andorra
2021 Føroyar
2019 Andorra
2017 Føroyar
2015 Luksemburg
2013 Føroyar
2011 Luksemburg
2009 Føroyar

Føroyska talvlandsliðið herjar á aftur alt fyri eitt. Longu leygardagin byrjar stóra EM-stevnan í Montenegro.

Føroyar eru styrkismettar nummar 36 av 38 liðum. Á føroyska liðnum eru Høgni Egilstoft Nielsen, Rógvi Egilstoft, Martin Poulsen og John Rødgaard.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder