OL: Kina hevur vunnið flest gullheiðursmerki higartil

Nú olympisku leikirnir eru farnir inn í triðja dagin, er tað tey asiatisku londini, sum klára seg best í ítróttakappingunum.

Kina hevur vunnið flest heiðursmerki, nevniliga 5 gull 2 silvur og 2 bronsu. Japan og Suðurkorea eru næst á listanum við 4 gull, 2 silvur og einari bronsu. Nummar fýra er Avstralia við 4 gull og 2 silvur.

USA er tó tann tjóðin, sum hevur vunnið flest heiðursmerki higartil, nevniliga 12 tilsamans: 3 gull, 6 silvur og 3 bronsu.

Av norðurlondunum er tað bert Svøríki, sum er komið upp á listan við trimum heiðursmerkjum: 1 silvur og 2 bronsu. Victor Lindgen hevur vunnið silvur í rifluskjóting, meðan svensku bronsuheiðursmerkini eru fingin í fjallasúkkling, Jenny Rissveds, og í judo, Tara Babulfath.

Jenny Rissveds vann bronsu í fjallasúkkling/mountainbike (Mynd: EPA)