Pernille á evropeiska vikuliðnum

Saman við spælarum úr stóru hondbóltstjóðunum Noreg, Danmark, Fraklandi, Týsklandi, Svøríki, Spania og Ungarn, er Pernille Brandenborg á evropeiska vikuliðnum fyri tvey tey seinastu umførini í EM-undankappingini.

Tað er evropeiska hondbóltssamgongan, sum hevur sett liðið saman útfrá avrikunum í síðstu viku:

Mynd: EHF Euro

Hjá Pernille Brandenborg var talan um megnaravrik í fyrra dystinum í síðstu viku. Hann var í Føroyum, har heimaliðið syfti Ísland fyri aðru ferð í undankappingini og tryggjaði EM-plássið.

Staðfest: Føroyar skulu til EM-endaspælið í desember

Liðskiparin hjá Føroyum átti lyklaleiklut í hesum. Pernille skeyt tólv skot - og skoraði tólv mál. Umframt hetta átti stinni strikuspælarin nógvar góðar "screeningar", vann okkurt brotskøst og vísti styrki í miðverjuni.

Pernille Brandenborg og Lív Zachariasen hava tamarhald á støðuni mitt fyri 

Fegnast eftir enn eitt mál...

Og saman við Súnu Krossteig Hansen eftir dystin (Myndir: Sverri Egholm)

Les eisini: 
Toppskjútti og dagsins spælari: Pernille við so at siga perfektum avriki

Í Montenegro sunnudagin spældi Pernille Brandenborg lítið í 2. hálvleiki. Hon er skrásett fyri eitt mál har.

Týdningur hennara varð aftur týðiligur, tá á stóð við Tjarnir, og í morgin klokkan 17 vera Føroyar í potti trý, tá lutakastið til EM-endaspælið verður.

Sí eisini: Føroyar skulu spæla EM-endaspæl í Póllandi, Kekkia ella Rumenia