Rebekka Benbakoura til NSÍ

NSÍ tryggjaði sær í oktober greipuna á fyrsta sinni, og nú er kvinnuliðið í Runavík styrkt.

NSÍ boðaði í gjárkvøldið frá, at Rebekka Fjallsá Benbakoura hevur valt at skifta til NSÍ úr barndómsfelagnum HB.

Rebekka Benbakoura saman við Karsteni Joensen, formanni í NSÍ (Mynd: nsi.fo)

Áleyparin spældi har í seinnu hálvu hetta kappingarárið. Fyrr í ár royndi Rebekka seg í GPO Kastorias. Har gjørdi føroyski landsliðsspælarin millum annað vart við seg við nøkrum málum.

Í 2023 hevði Rebekka Benbakoura eitt gott kappingarár í KÍ, har hon skoraði 21 landskappingarmál og á fyrsta sinni gjørdist føroyameistari.

Heidi Sevdal og Rebekka Benbakoura í steypafinaluni í 2023. Nú er spurningurin um tær báðar fara at spæla saman, eins og tær gjørdu í HB (Savnsmynd: Sverri Egholm)

Í steypafinaluni var NSÍ omaná, men Rebekka hevur vunnið steypakappingini áður: Tað var við Allani Dybczak sum venjara í HB í 2019.

Nú skal 25-ára gamla havnarkvinnan, við 113 Betrideildardystum, 19 A-landsdystum, 26 steypadystum og 94 málum, aftur spæla við einum liði hjá Allani - hjá greipuvinnarunum.

Spurningurin er so, um tað verður saman við Heidi Sevdal aftur. Í samrøðu við Kringvarpið í Sarpugerði eftir seinasta umfar í Betrideildini sáddi suvereni toppskjúttin iva um, hon fer at halda fram ella ikki.

Sí eisini: Heidi Sevdal skoraði 33 mál annað árið á rað

Tøl: FaroeSoccer