Sær tungt út hjá AB

Tveir dystir í Betrideildini hjá monnum byrjaðu klokkan 17. Í báðum førinum endaði tað 1-2.

B36 ætlar sær at bjóða av heilt frammi í oddinum í ár, og higartil sær tað gott út. HB er higartil einasta liðið, sum hevur fingið stig móti liðnum hjá Dan Brimsvík. Í kvøld vann B36 á Eiði, har EB/Streymur gjørdi tað trupult. Valerijs Sabala var ein, ið misnýtti fleiri málmøguleikar, og heimaliðið javnaði við brotssparki og helt síðani B36 til 72. minutt.

Málið hjá Bjarka Nielsen, ið hevur spælt ógvuliga væl í seinastuni, gjørdist avgerandi. Vongurin var  knappur á returbólti - hann varð skiftur inn stuttu frammanundan. Sunnudagin vitjar KÍ til satt oddabrak í Gundadali. Tá fer Taufee Skandari at mangla - enski miðvallarin fekk reytt kort fyri at skumpa Jákup Hummeland og síðani koyra nevan móti búkinum hjá Boga Reinert-Petersen í spentari støðu síðst í dystinum.

Bjarki Nielsen hevur verið við í minsti einum máli í øllum sigrunum hjá B36 í ár (Mynd: Sverri Egholm) 

Á Argjum er einki serligt fótbóltslag. AB hevur tapt allar sínar seks dystir í Betrideildini, og 07 Vestur hevur nú sjey stig. Hetta er greitt, eftir tað sum hendi í seinna hálvleiki á Argjum í kvøld. Tíggju minuttir eftir steðgin fekk Bjarni Skála sítt seinna gula kort, og 07 Vestur gjørdi dælt av hesum. Leiðslumálið kom í 72. minutti - tað syrgdu sanvágsmenn fyri - síðani kom Uros Stojanov á máltalvuna aftur, áðrenn AB fekk sítt fyrsta mál í landskappingini, men tá var tað ov seint.

Fyrr í kvøld vann ÍF í Trongisvági og vann seg upp á 4. plássi. KÍ er á veg móti stórsigri á Svangaskarði.

*Ein dysti færri