![placeholder](https://roysni.fo/css/img/banner2x1.png)
Tað verða í minsta lagi fýra finalur um svenska meistaraheiti í manshondbólti 2023/2024. Hetta er greitt, eftir at Ystads IF javnaði til 1-1 í finalum í kvøld.
IK Sävehof vann 28-27 í fyrstu finaluni, sum var í Partille mánakvøldið. Tá var Óli Mittún í hopla. Hoyvíkingurin gjørdist toppskjútti við átta málum.
Les eisini: Óli toppskjútti í fyrstu finaluni
Í dag gekst ikki so væl hjá Óla og liðfeløgunum. Ungi føroyski bakspælarin skoraði tvey mál í kvøld.
Tað var 16-15 í steðginum. Tíðliga í 2. hálvleiki fór Ystads frá og var einaferð á +5. Sävehof kom aftur, og tvær ferðir í 2. hálvleiki fekk útiliðið javnað. Ystads hevði tó meira í kvøld og fekt økt aftur seinastu løtuna.
30-26 varð endaliga úrslitið. Liðini hittast aftur í Partille fríggjadagin klokkan 17 føroyska tíð. Liðið, sum vinnur har, fær "dystarbólt". Tað snýr seg um at vinna tríggjar finalur fyri at gerast svenskur meistari.
Vinarliga broyt tínar kennifíla - og privatlívsstillingar fyri at síggja hetta innihald