Seinasta freist at atkvøða fyri Eliasi er á midnátt

- Fyri serliga góð og merkisverd avrik í 2023, hevur Altjóða hondbóltssambandið, IHF, tilnevnt Elias Ellefsen á Skipagøtu til 2023 IHF Young Male World Player of the Year.

Soleiðis skrivaði heimasíðan hjá IHF fyri júst tveimum vikum síðani, tá tað varð kunngjørt, at Elias er tilnevndur til stóra heiðurin saman við Juri Knorr og Nils Lichtlein úr Týslandi.

Les meira: Elias í uppskoti sum heimsins besti ungi spælari

Tað eru áhugaði, ið avgerða hvør vinnur hetta heitið. Til ber at gera hetta á heimasíðuni hjá IHF fram til klokkan 23.59 í kvøld, mánadagin 11. mars

Atkvøðast kann HER. Tað einasta sum krevst fyri at trýsta á knøttin er at hava ein brúkara á heimasíðuni hjá IHF. Hetta tekur lítla tíð at stovna og gera virkið. Ein kann bert atkvøða einaferð við hvørjum brúkara.

Av tí at talan er um ein IHF-heiður, so fylla avrikini hjá Eliasi á Skipagøtu í U21 HM-endaspælinum mest. Her sæst føroyski spælskiparin fegnast í Magdeburg eftir stóra sigurin á Spania - nummar 71 gjørdist javnsettur toppskjútti í kappingini, har Føroyar endaðu á 7. plássi (Savnsmynd: Sverri Egholm)