Fótbóltur

Søguliga sterk lið millum tey seinastu átta

Her eru nøkur fakta um liðini og uppgerðirnar í 1/4 finalunum í Champions League.

Lionel Messi skorar her til 2-0 ímóti Ferdinand, Van Der Sar og United í finaluni í Rom í 2009
(Mynd: Daily Mail)

Lionel Messi skorar her til 2-0 ímóti Ferdinand, Van Der Sar og United í finaluni í Rom í 2009 (Mynd: Daily Mail)

2019-03-15 12:02 Author image
Agnar Prestá

Tað er nú greitt, hvussu liðini skulu spæla ímóti hvørjum øðrum í fjórðingsfinalunum í Champions League: 

Ajax - 
Juventus
Liverpool - Porto 
Tottenham Hotspur - Manchester City 
Manchester United  - Barcelona

Juventus, Liverpool, City og Barcelona eru favorittar í uppgerðunum, men tað hevur longu víst seg nakrar ferðir í ársins kapping, at alt kann henda.

Les eisini: Fýra rímiliga greiðir favorittar í fjórðingsfinalunum

Um hugt verður eftir tí søguliga, so hava seks av teimum liðunum vunnið kappingina, og tey hava øll vunnið tvær ferðir ella meira: Juventus og Porto tvær ferðir, United tríggar ferðir, Ajax fýra ferðir og Barcelona og Liverpool heili fimm ferðir.

Tottenham og City, ið hittast, eru tey nýggju í samanhanginum. Hetta er bert aðru ferð, at Tottenham er í einari Champions League fjórðingsfinalu, men felagið hevur tó vunnið trý evropeisk steyp. Hóast nógvar pengar og framgongd hevur City ikki nátt finaluna í kappingini enn; ein hálvfinala er tað vorðið til, men tað er ymiskt sum bendir á, at liðið hjá Guardiola er til reiðar nú. 

- Ajax og Juventus hava leikt tvær finalur í kappingini. Í 1973 vann hollendska liðið kappingina fyri triðju ferð á rað eftir 1-0 sigur á italienska felagnum. Juventus vann kappingina fyri aðru ferð í 1996 eftir brotssparkskapping í Rom. Hetta forðaði spennandi Ajax-liðnum at vinna annað árið á rað.

- Porto loypti hvøkk á við at vinna Champions League í 2004 undir leiðslu av José Mourinho. Liverpool vann kappingina á dramtiskan og minniligan hátt í Istanbul árið eftir. Hetta var fimtu ferð, at enska felagið kundi lyfta stóra steypið. Í fjør hittust liðini í áttandapartsfinaluni - tá vann Liverpool heili 5-0 í Portugal

- Tottenham og City hava ongantíð hittst í Champions League. Seinastu sjey innahýsis dystirnir í Premier League millum feløgini (frá sep.2015) eru endaðir soleiðis: Tottenham byrjaði við trimum sigrum á rað, síðani ein javnleikur í januar 2017, og seinastu tríggar dystirnar hevur liðið hjá Guardiola vunnið.

Barcelona og Manchester United hittust í finalunum í 2009 og 2011. Barca vann báðar við tveimum málum. Í hálvfinaluni í 2008 vann United 1-0 samanlagt, og vann Champions League ta árið. Í 1999 lyfti United steypið fyri aðru ferð; tað var í Barcelona


placeholder
placeholder