Kappróður

Sverri Nielsen víðari til finaluna

Hóast diskusprolaps megnaði føroyski rógvarin at vinna sær pláss í A-finaluni til EM í Sveis.

Mynd: Scanpix

Mynd: Scanpix

2019-06-01 21:00 Author image
Alda Nielsdóttir

Tað hevur gingið væl hjá danska liðnum, sum hetta vikuskiftið kappast í EM í rógving í Sveis.

Danmark hevði átta bátar við í kappingini, og í dag gjørdist greitt, at fimm teirra hava tryggjað sær pláss í A-finalunum, sum vera í morgin, sunnudagin.

Ein teirra er miðvingurin Sverri Nielsen, sum eisini fekk staðfest diskusprolaps fyri tveimum vikum síðani.

Sverri gjørdist nummar tvey í bæði fjórðingsfinaluni og í hálvfinaluni í dag.

Í samrøðu við DR segði føroyski rógvarin, at hann ikki helt, at skaðin var nakar trupulleiki. Tó roknaði hann ikki við at fáa nakað heiðursmerki í hesari kappingini.

placeholder
placeholder