Team Klaksvík tók fet móti hálvfinaluni við sigri í Hoyvík

Ein dystur í Faxe Kondi steypakappingini varð spældur í gjárkvøldið. Hann var í Hoyvík. Hetta var seinasti dystur í 1. umfari í bólkaspælinum hjá monnum, har trý umfør eru. 

Tað endaði við at Team Klaksvík fekk týðandi sigur. Tað er lagt upp til stóran spennandi í bólki 2, og hesi stigini kunnu tí koppa tí rætta vegin til hálvfinalurnar. 

Eftir at H71 byrjaði betri, tók Team Klaksvík eitt sindur yvir og var á odda við trimum málum í steðginum, har serliga álopsspælið eydnaðist væl. 

Hoyvíkingar vendu tí tó skjótt eftir steðgin, og eftir 42 minuttir fekk Brian Slyne, ið hevði verið eyðsýndur í dystinum, sína triðju útvísing. Eftir hetta vóru hoyvíkingar eisini tvær ferðir frammanfyri við tveimum málum, men tað var Team Klaksvík, ið skoraði málini seinastu minuttirnar.

Sámal á Tjaldrafløtti gjørdist aftur toppskjútti fyri Team Klaksvík (Savnsmynd: Jens Kr. Vang)

Tá varð vent frá 27-25 til 27-28, har toppskjúttin hjá Team Klaksvík, Sámal á Tjaldrafløtti, skoraði eitt mál og Sakaris Ludvík Súnason hinu bæði. Avgerandi málið í Hoyvík kom við brotskasti. Beint áðrenn hevði H71-toppskjúttin, ísak Vedelsbøl, misnýtt brotskast.

KÍF vann á Kyndli í fyrsta dystinum í bólkinum. Í 2. umfari, sum verður 26. november, tekur Team Klaksvík móti Kyndli, og H71 er kroyst at vinna á KÍF. 

Bólkur 2: H71, KÍF, Team Klaksvík, Kyndil

1. umfar
Leygardagin 14.10
KÍF - Kyndil 27-25 

Mikudagin 18.10  
H71 - Team Klaksvík 27-28 (14-17)


Toppskjúttar: Ísak Vedelsbøl 10 mál, Bogi Hansen 7 mál, 
                    Sámal á Tjaldrafløtti 6 mál

Dómaraseðilin (Mynd: HSF)

Øll dystargongdin sæst her