Tjúgu ferðir Turið Arge Samuelsen

Heilar tjúgu ferðir kundu kyndilskvinnur fegnast um eitt mál hjá Turið Arge Samuelsen í dystinum ímóti VB í Høllii á Hálsi í kvøld.

Kyndil vann dystin 39-26 og hálvleiksstøðan var 19-11.

Tær grønu úr Kyndli hava sostatt fingið eina góða byrjan upp á kappingarárið við fullari úrtøku eftir tveimum dystum. Í fyrsta umfari vunnu tær greitt ímóti føroyameistarunum frá í fjør, StÍF.

Turið Arge Samuelsen kemur sostatt ovast á listan yvir toppskjúttar. Hon hevur í tveimum dystum higartil í ár skotið 25 mál.

Í annaðkvøld er aftur dystur í bestu kvinnudeildini í hondbólti. Nýggja liðið í deildini, EB, tekur ímóti Neistanum á Eiði klokkan 19.