Tottenham kann leggja trýst á hini oddaliðini

Hesa vikuna er nógv fokus á stórdystin Manchester United - Liverpool og Carabao Cup finaluna ímillum formsterka City og Chelsea, ið er í trupulleikum uppá nógvar mátar.

Chelsea mist loyvið at keypa leikarar komandi tveir flytingargluggarnar

Aðrir dystir eru eisini hetta vikuskifti, ið hava týdning. Í gjárkvøldið taptu tvey av botnliðunum. Watford vann heili 5-1 í Wales, har Gerard Deulofeu skoraði hattrick og legði upp til eitt mál. Í London-uppgerðini á olympiska leikvøllinum vann West Ham 3-1, hóast Fulham kom á odda beinanvegin.

Í dag eru fýra dystir á skránni. Tann fyrsti er í Burnley, har Tottenham er á vitjan. Pochettino og hansara menn hava vunnið fýra dystir á rað; tríggar tættar dystir í Premier League og síðani frálíka 3-0 sigurin á Dortmund í Champions League. Um Tottenham sigraði í dag, so kemur liðið uppá 63 stig, og tað er bert tvey stig færri enn City og Liverpool. Manchester City spælir ikki í Premier League hesa vikuna, og Liverpool hevur torføran útidyst. Harvið kunnu trý stig gera nógv fyri Tottenham í dag. Harry Kane venur við aftur, og fleiri leikarar eru ivasamir. 

Í hinum dystunum er nógv uppá spæl hjá Newcastle og Crystal Palace. Bæði liðini eru íblandaði í botnstríðið.

27. umfar: 
12.30: Burnley - Tottenham

15.00: Bournemouth - Wolves
          Newcaslte - Huddersfield

17.30: Leicester - Crystal Palace

Í gjár: Cardiff - Watford 1-5 (0-1)
          West Ham - Fulham 3-1 (2-1) 
         

Støðan eftir 26. umfar

* Leikt ein dyst fleiri