Trivaligir sigrar til Danmark og Noreg

Tað var eingin ivi í fyrstu dystunum hjá Danmark og Noreg í hesum HM-endaspælinum í gjárkvøldið.

Danmark spældi móti Belgia, sum fyri fyrstu ferð eru við í HM-endaspælinum. Ein knúsandi 43-28 sigur gjørdist úrslitið.

(Mynd: EPA)

Jóhan á Plógv Hansen er við millum teir 16 á liðnum, og skoraði í kvøld eitt mál. Hann var á vøllinum ein part av seinna hálvleiki.

Noreg vann eisini sín dyst móti Norðurmakedonia trygt, 39-27.

Ísland og Svøríki skulu aftur í kvøld út í eldin móti ávikavist Ungarn og Grønhøvdaoyggjunum.