U18: Spæla móti Eysturríki seinnapartin

Seinnapartin spæla føroysku U18-menninir seinasta dystin í EM-endaspælinum, og tað verður móti Eysturríki.

Tað gjørdist greitt, eftir at Eysturríki í gjár tapti 29-28 móti Kekkia.

Dysturin í dag er um 15. plássið av 24 í kappingini. Bestu 15 liðini í EM-endaspælinum fáa atgongumerki til HM-endaspælið í 2025, og fær vinnarin dagsins dysti sostatt eisini seinasta HM-plássið.

Dysturin millum Føroyar og Eysturríki verður leiktur klokkan 16 føroyska tíð, og tey, sum eru stødd í Føroyum kunnu stroyma hann beinleiðis á live.hsf.fo, skrivar Hondbóltssambandið.