Agnar Prestá
Føroyska U21-landsliðið ger seg nú til reiðar til sín fjórða dyst í EM-undankappingini og til at taka ímóti Fraklandi fyri aðru ferð í U21-søguni.
Higartil hevur tað gingið framúr væl undir Ólavi Mikkelsen: Tríggir dystir í undankappingini í ár, tríggir sigrar og oddalið í løtuni .
Føroyar hava eisini góð hagtøl móti Fraklandi í U21-høpi á heimavølli: Ein dyst og ein javnleik móti fótbóltsrisanum.
Í 2021 var Eduardo Camavinga, sum Real Madrid júst hevði keypt, stóra stjórnan. Steffan Løkin og ein nærum ótrúligur stríðs- og verjuinnsatsur syrgdu tó fyri, at tað endaði 1-1 í reginum í Gundadali.
Nú eitur størsta stjørnan helst Leny Yoro (Manchester United). Aðrir Premier league-spælarar, umframt ein Champions League-vinnari, verða við í franska ferðalagnum.
Sí eisini: Franskar stjørnur vitja í Klaksvík fríggjakvøldið
Hesaferð hittast liðini í Klaksvík. Dysturin byrjar klokkan 17. FM1 fer at siga frá honum.
Atgongumerki kunnu keypast her
Niðanfyri síggjast myndir, sum Hans Erik Danielsen tók til venjingina hjá U21-landsliðnum á Tórsvølli í gjár:
-
Áki Samuelsen, liðformaður (Rannheim, Noreg)
-
Ólavur Mikkelsen, høvuðsvenjari
-
Dàvid Biskopstø Andreasen, KÍ
-
Árni Nóa Atlason, sum nú er í norska Egersunds
-
Jóhan Josephsen og Áki Samuelsen
-
Dávid Reynheim úr Torino, sum avgjørdi dystin í Luksemborg
-
Jákup Norðoy Vilhelmsen úr B68 lurtar eftir boðum venjarans
-
Jónas Prior, 07 Vestur, og Dávid Reynheim úr Torino
-
Heini Fossdalsá Sørensen úr HB var eisini við móti Fraklandi í 2021
-
Bjarti Thorleifsson - høgri bakkurin er júst fluttur upp aftur við barndómsfelgnum Skála
-
Rasmus Olsen úr FC Suðuroy verjir fyri
-
Jónas Prior, ið er verjuspælari
-
Jákup Norðoy Vilhelmsen, B68
-
Ejvind Restorff Mouritsen, HB, spældi tveir frálíkar dystir í miðverjuni í september
-
Mattias Hellisdal, ið nú spælir fyri Västerås í Svøríki
-
U21-landsliðsliðformaðurin Áki Samuelsen til venjingina í gjár. Vongurin var eisini við í 2021, tá Føroyar púra óvæntað vunnu sær stig á heimavølli móti Fraklandi (Mynd: Hans Erik Danielsen/FSF)
-
Hanus Højgaard úr B68 hevur spælt fast í hesari undankappingini
-
Aron Benjaminsen úr norska Kristiansand er millum teir yngstu
-
-
Vinarliga broyt tínar kennifíla - og privatlívsstillingar fyri at síggja hetta innihald