Víkingur vann á Skála í Sarpugerði

Leygardagin var seinasta umfar í VFF Cup avgreitt í Havn. HB vann finaluna á Skála eftir brotssparkskapping

Hóast kappingin hjá Venjarafelagnum er av, so halda liðini fram spæla venjingardystir sum fyrireiking til kappingarárið. Júst Skála leikti í gjár. Víkingur tók ímóti, og eftir at skálamenn fóru ósigraðir ígjøgnum teir 6x90 minuttirnar í VFF Cup, so gjørdist tað í kvøld talan um ein ósigur hjá liðnum hjá Eyðun Klakstein.

Víkingur vann 3-1, har tveir útlendskir leikarar stóðu fyri málunum. Sagt verður úr Sarpugerði, at talan var um ein góðan venjingardyst, ið gekk aftur og fram, men har víkingarnir vóru naksari. Liðini hittust á Skála í VFF Cup miðskeiðis í januar. Tá endaði tað við 1-1 javnleiki. 

Víkingur-Skála 3-1 (1-0)
1-0: Milan Svojic, 44.
2-0: Adeshina Lawal, 68.
3-0: Adeshina Lawal, 82.
3-1: Jákup Johansen, 88. 

Liðið hjá Skála: Sonni Højgaard – Leivur Joensen (Aksel Jacobsen, 76.), Jákup Jakobsen, Teitur R. Joensen, Djóni Petersen – Pætur Dam Jacobsen (Niels Pauli Danielsen, 76.), Ólavur Mikkelsen (Teitur Poulsen, 85.) – Ari Olsen (Kristian Martin Jakobsen, 65.), Heðin Klakstein (Haraldur Højgaard, 65.), Andreas Jacobsen (Dávid
Johansen, 76.) – Jan Ingason Hansen (Jákup Johansen, 61.) 

Skála og ÍF spæla í Fuglafirði fríggjakvøldið. Um vikuskifti er árliga Klaksvíkskappingin á skránni, har Víkingur er eit av liðunum. 

Kelda: Skála IF