Alda Nielsdóttir
Síðst í november varð standmyndin av svenska fótbóltsleikaranum, Zlatan Ibrahimovic, útsett fyri herverk, og í nátt hevur onkur enn einaferð framt herverk móti standmyndini, sum stendur uttanfyri Malmö Stadion. Tað skrivar Ritzau.
Les eisini: Herverk móti Zlatan-standmynd og íbúð hansara í Stockholm
Talan er um onkran, sum hevur sagað nøsina av standmyndini og oyst silvurmáling útyvir hana.
Alt var gleði og gaman, tá standmyndin varð avdúkað fyrst í oktober, men síðst í november kom tað fram, at Zlatan hevði sett pengar í svenska felagið Hammarby, og hetta skapti øsing millum fjepparar hjá barndómsfelagi hansara, Malmö FF.
Í desember hava fólk framt herverk móti standmyndini fleiri ferðir. M.a. hava fólk eisini stoytt máling útyvir hana og sagað eina fótin av.
Vinarliga broyt tínar kennifíla - og privatlívsstillingar fyri at síggja hetta innihald