- At umboða Føroyar á Tórsvølli verður tað størsta

Hann hevur higartil spælt fýra A-landsdystir, tveir venjingardystir og tveir EM-undankappingardystir, men hevur framvegis ikki umboðað Føroyar á heimavølli. Heldur ikki á U-landsliðnum hevur Mattias Lamhauge vart eitt føroyskt mál á føroyskari jørð. Havnarmaðurin er bert skrásettur fyri tveir U19-landsdystir.

Mattias eru uppvaksin í HB men hevur flutt seg nógv í B36 seinastu árini, og seinastu 18 mánaðirnar hevur málverjin spælt nakrar A-landsdystir. Alt bendir á, at hann seinni í dag fara at spæla á Tórsvølli:

- Tað er ein øgiliga stórur dreymur (...) Haldi at tað at umboða Føroyar í Føroyum fer at vera størri enn at spæla í Póllandi hósdagin, og tað størsta higartil á mínari yrkisleið - um eg spæli 


Mattias Lamhauge greiddi sína uppgávu væl í Póllandi. Her hevur B36-málverjin aftur trygt fingið fatur á bóltinum...


...Robert Lewandowski fekk tó snýtt hann tvær ferðir. Fyrru ferð úr ellivu metrum


Myndir: Sverri Egholm

Teitur Matras Gestsson, ið Mattias Lamhauge stóð í skugganum av í HB fyri nøkrum árum síðani, hevur verið darvaður av skaða síðani seinastu landsdystirnar. Hann hevur næstan ikki spælt, men venur nú og er við í hópinum. Tað hevði tó verið óvæntað, um HB-málverjin spælir hesaferð. 31-ára gamli Teitur er annars sum útgangspunkt fyrstaval.

Portalurin tosaði í gjárkvøldið við mannin, sum helst fer at verja føroyska málið í morgin aftur. Hann kom inn á, at Føroyar skulu gera tað betur enn móti Póllandi og í Moldova síðst, í mun til at hava bóltin og stýra dystinum á tann hátt - eisini í 2. hálvleiki.

Upptøkur: Bjarni Enghamar

Sí eisini (video og myndir): 
Odmar Færø: - Gleða okkum at koma í gongd aftur
Viljormur Davidsen: - Verður ein tættur dystur - trúgva uppá tað
Myndir: Fyrireiking til Moldova í køldu heystarluftini

EM-undankappingarbólkur E
Í dag, sunnudagin 10. september
17.00: Føroyar - Moldova

Atgongumerki kunnu fáast her - Kringvarpið vísir dystin
(Helst hálvfult á Tórsvølli)

Støðan eftir fýra umfør: 
Kekkia 8 stig 
Albania 7 stig
Pólland 6 stig
Moldova 5 stig 
Føroyar 1 stig

Sí eisini: 
Eru ósigraðir móti Moldova
Ein nýggj øðrvísi avbjóðing
Håkan Ericson: - Skulu stýra meira við bóltinum í morgin