Fótbóltur

- Vit kenna okkum klárar

A-landsliðið við kvinnum hevur í dag havt seinastu venjing í Litava áðrenn dystin móti Estlandi. Tað er umráðandi hjá okkum at brúka hesa dystarvenjingina til at fáa okkara spæl og avtalur at sita so væl sum gjørligt áðrenn undankappingina í heyst, sigur Ásla Johannesen.

Ásla til venjing í Litava í dag (Mynd: Bjarni Enghamar/FSF)

Ásla til venjing í Litava í dag (Mynd: Bjarni Enghamar/FSF)

2021-06-09 16:45 Author image
Agnar Prestá
placeholder

Síðani nýggi landsliðsvenjarin, Lene Terp, tók við starvinum í vetur, hevur hon havt regluligar venjingar við hópinum og eisini spælt fleiri venjingardystir móti dreingjaliðum heima í Føroyum.

Nú bíðar fyrsta altjóða uppgávan, ið er Baltic Cup, sum Føroyar eru bjóðaðar við til. Umframt vertstjóðina Litava, taka Estland og Lettland eisini lut í kappingini, sum er skipað við hálvfinalum og síðani finalu og dysti um triðja og fjórða plássið.

Í hálvfinaluni í skulu Føroyar spæla móti Estlandi, og ta uppgávuna gleðir Ásla Johannesen seg til.

– Tað kennist væl at vera saman aftur. Vit hava havt nakrar góðar venjingar, og vit hava nógv at tosa um og venja okkum við, tí vit enn eru í einari integrerandi fasu saman við venjaratoyminum. Eg haldi, at tað gongur væl við tí, og vit kenna okkum væl fyrireikaðar til dystin í morgin, sigur Ásla Johannesen við heimasíðuna hjá Fótbóltssambandinum.

Dystirnir í Baltic Cup eru partur av fyrireikingunum til HM undankappingina, sum byrjar í heyst

– Tað er umráðandi hjá okkum at brúka hesa dystarvenjingina til at fáa okkara spæl og avtalur at sita so væl sum gjørligt áðrenn undankappingina í heyst. So vit gleða okkum ótrúliga nógv til at spæla hesar dystirnar og fara sjálvandi eftir at vinna, sigur liðskiparin hjá Føroyum

Føroyar spæla móti Estlandi í morgin kl. 14.00 føroyska tíð, og dysturin verður stroymdur á hjá litaviska fótbóltsambandinum.

placeholder
placeholder