48 leikarar úr Havnar Badmintonfelag til RIG

Í gjár fór eitt ferðalag við 96 fólkum, harav 48 ungir badmintonleikarar, til Íslands at taka lut í Reykjavík International Games (RIG).

Spælt verður í U11, U13, U15, U17 og U19.

Byrjað verður tíðliga leygarmorgunin, og hildið verður áfram til síðsti dystur er leiktur seint sunnudagin.

Nógvir dystir eru á skránni, tí ungu badmintonleikararnir skulu spæla í øllum trimum greinunum – einmans-, tvímans- og blandaðum tvímansleiki. 

Vónirnar til kappingina eru góðar. Leikararnir kláraðu seg sera væl í fjør, og tí er spenningurin stórur í ár.

Ferðalagið verður aftur í Føroyum mánadagin 3. februar.