Annað

Aðalfundur neyðugari frástøðu

Svimjisamband Føroya hevði aðalfund í gjár. Sørin S. Djurhuus og Eyðun Húsgarð og formaðurin Rókur í Jákupsstovu vóru allir afturvaldir.

(Mynd: Svimjing.com)

(Mynd: Svimjing.com)

2020-05-17 09:04 Author image
Sverri Egholm
placeholder

Svimjisamband Føroya hevði í gjár sín árliga aðalfund, á Parnassinum á Hotel Hafnia. Tað skrivar heimasíðan svimjing.com.

Á skránni var útyvir formansfrágreiðing og framløga av roknskapinum, eisini val av nevndarlimum, har Sørin S. Djurhuus og Eyðun Húsgarð stóðu fyri vali, umframt formaðurin Rókur í Jákupsstovu. Allir tríggir vórðu afturvaldir.

Starvsnevndin hevði sum innkomið mál, at broyta lógina fyri Svimjisamband Føroya so at hon eisini nevnir okkara atlimaskap í evropeiska og altjóða lívbjargingarsambondunum ILS/ILSE. Hetta varð samtykt.

Aftaná sjálvan aðalfundin var ein lítil eykafundur til at viðgera, hvussu gjørt verður í sambandi við næstkomandi Aldursbólkameistarastevnu í Tórshavn hin 30. og 31. mai 2020, so almennu tilmælini til at umganga coronasmittu, umframt okkara egnu kappingartilmæli sum avtalað við coronaráðgevingina í gjár, verða yvirhildin.

Parnassið á Hotel Hafnia var valt til at tryggja neyðugu frástøðu, eisini nú í sambandi við aðalfundin, og riggaði tað óføra gott, skrivar svimjing.com.

placeholder
placeholder