Ingi Samuelsen
Leygardagin hevði skjótifelagið Eysturskot sína fyrstu skjótikapping á nýggju skjótibreytuni úti á Vík í Leirvík, Flaggdagskappingina.
Fyrsta almenna skjótivenjingin var 6. mars í ár, og ikki kann sigast annað enn, at undirtøkan fyri breytini hevur veri sera góð. Fólk koma allastaðni frá í landinum at venja.
Talan var um methøga tilmelding fyri eina kapping skjótikapping í trapp í Føroyum, tí heili 21 skjúttar høvdu melda til kapping.
Fyrst varð skotið eftir 75 dúgvum, og síðani varð býtt upp í tríggjar bólkar, meistarabólk, A-bólk og B-bólk.
AleX Johannesen úr Eysturskoti vann meistarabólkin framman fyri Finn Ludvig og Jeppe Sommer Bruun, sum báðir umboða Byrsumúla.
Per S. Hansen, Eysturskot, vann A-bólkin og Sigvald Zachariasen, Byrsumúli, vann B-bólkin.
Vinarliga broyt tínar kennifíla - og privatlívsstillingar fyri at síggja hetta innihald