Allan og teir nærkast oddasessinum

Triðseinasta umfar í grundspælinum í bestu íslendsku mansdeildini var á skránni í gjárkvøldið. 

Valur tók ímóti Grótta í Reykjavík. Gestirnir úr Grótta, sum eisini er í høvuðsstaðarøkinum, liggja nummar níggju í Olís-deildini, Teir bjóðaðu tó steypavinnarunum á 2. plássi veruliga av.

Grótta var á odda 12-11 í steðginum. Valur fekk tó strítt seg frammum í 2. hálvleiki við 15 málum og stinnum vejruspæli. Tað endaði 26-24 til Val.

Allan Norðberg gjørdi mun av vonginum við at skora 3 mál. Strandingurin gjørdist 30 ár í vikuni, og í sínum sætta kappingarárið í Íslandi kappast hann nú um meistaraheitið. 

Valur gjørdist steypavinnari fyrr í mánaðinum, kappast um hálvfinalupláss í European Cup og liggur væl fyri til endaspælið. Úrslitini í gjár gera, at møguleikin at enda nummar 1 í grundspælinum og harvið fáa veikasta mótsstøðuliði í fjórðingsfinaluni - nummar 8.

Tað liðið er júst nú KA, sum er gamla felagið hjá Allani. Valur skal spæla móti júst KA í næstseinasta umfari, sum verður týskvøldið. Eitt stig er upp til FH á fyrsta plássinum. FH snávaði í gjár á heimavølli móti Haukum. 

Um FH missir stig aftur, so kann Valur sláa til og vinna grundspælið.

Mynd: hsi.is

Leygarkvøldið verður stórur dystur í Reykjavík: Tá taka Allan Norðberg og hinir ímóti Steaua Bukarest í seinnu fjórðingsfinaluni í European Cup. Valur vann tí fyrru 30-29 í Rumenia og er harvið favorittur at spæla seg víðari.