Ingi Samuelsen
Tað verður ein gamal kenningur, sum tekur við sum høvuðsvenjari í spanska stórfelagnum Real Madrid eftir Zenedine Zidane.
Bert viku eftir at Zidane boðaði frá, at hann gevst sum venjari, er avloysarin klárur. Í gjárkvøldið varð boðað frá, at avloysarin er italiumaðurin Carlo Ancelotti.
Hetta merkir so, at Ancelotti nú gevst sum venjari í enska felagnum, Everton.
- Eg havi fingið ein óvæntaðan møguleika, og eg haldi, at skiftið er rætt, bæði fyri meg og familjuna, sigur Ancelotti, og takkar Everton og viðhaldsfólkunum fyri eina góða tíð í felagnum. Ancelotti kom til Everton í desember 2019. Í fjør endaði Everton á 12. plássi og í ár á 10.
Sambært spoanska ítróttablaðnum, Marca, hevur Ancelotti skrivað trý ára sáttmála við Real Madris.
Hetta er aðru ferð, at Carlo Ancelotti tekur við sum venjari í Real Madrid. Hann var eisini vennari frá juli 2013 til maj 2015 og vann fýra steyp við felagnum, Champions League, HM fyri feløg, sponsku steypakappingina og evropeiska Super Cup.
Vinarliga broyt tínar kennifíla - og privatlívsstillingar fyri at síggja hetta innihald