Sverri Egholm
Í dag hava Tórshavnar kommuna og Ítróttasamband Føroya skrivað undir tvær avtalur um verandi og komandi ÍSF-húsið.
Tað skrivar Tórshavnar kommuna á heimasíðuni í dag.
Í løtuni verður langhylurin í Gundadali lagdur til rættis. Langhylurin verður staðsettur vestan fyri verandi svimjihøll í Gundadali, har ÍSF-húsið stendur í dag. Í avtaluni, sum varð undirskrivað í dag, yvirtekur Tórshavnar kommuna bygningin á sumri 2020 og rindar ÍSF 5 mió. kr. í endurgjaldi fyri húsið.
Samstundis hava partarnir skrivað undir ætlanarskriv um leiguavtalu um lendi til at byggja nýtt ÍSF-hús suður úr og fram við parti av vestara skýli við ovara vøll í Gundadali.
- Við hesum er enn eitt týðandi stig tikið fram ímóti, at ÍSF kann fáa góðar karmar til egið virksemið og tað hjá mongu ser- og menningarsambondunum. Harumframt er enn ein týðandi fyritreyt fyri, at langhylurin verður bygdur, komin uppá pláss, skrivar torshavn.fo.
-
Annika Olsen, borgarstjóri, og Elin Heðinsdóttir Joensen, forkvinna í ÍSF (Mynd: Tórshavnar kommuna)
Vinarliga broyt tínar kennifíla - og privatlívsstillingar fyri at síggja hetta innihald