Annað

Badminton: Spæla um føroyameistaraheitið leygardagin

KONTRAST FM verður í Høllini á Hálsi 10. apríl.

Finaluluttakararnar til einmansleik í badminton til KONTRAST FM finalurnar 10. apríl: Magnus Dahl Christiansen, HBF, Niclas Eysturoy, HBF (væntar á myndini), Miriam í Grótinum, HBF og Gunnva K. Jacobsen, HBF

Finaluluttakararnar til einmansleik í badminton til KONTRAST FM finalurnar 10. apríl: Magnus Dahl Christiansen, HBF, Niclas Eysturoy, HBF (væntar á myndini), Miriam í Grótinum, HBF og Gunnva K. Jacobsen, HBF

2021-04-09 14:52 Author image
Tíðindaskriv
placeholder

Sera spennandi dystir vóru í Badmintonhøllini í Havn í gjár, nú innleiðandi umførini til FM í badminton eru byrjaði. Í gjár varð avgjørt, hvør vann seg í finalurnar um føroyameistaraheitið í einmansleiki til KONTRAST FM.

Í finaluni til hjá kvinnunum eru Gunnva K. Jacobsen og Miriam í Grótinum, báðar frá Havnar Badmintonfelag.

Hjá monnunum vunnu Niclas Eysturoy og Magnus Dahl Christiansen plássini í finaluni, teir eru somuleiðis báðir frá Havnar Badmintonfelag.

Í dag heldur kappingin fram í Badmintonhøllini í Havn, tí nú skulu finalistarnir finnast til FM í tvímansleiki og blandaðum tvímansleiki. Hendan kappingin byrjar kl. 17.

KONTRAST FM verður í høllini á Hálsi leygardagin 10. apríl. Tá verða allar finalurnar um føroyameistaraheitið í badminton spældar. Dagurin byrjar kl 10, tá verða finalurnar stroymdar á facebook síðuni hjá Badmintonsambandinum, KVF sendir beinleiðis frá kl 13.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder