Betri letur bjargingarvestar til øll kappróðrarfeløg

Í samstarvi við Róðrarsamband Føroya letur Betri bjargingarvestar til øll kappróðrarfeløg í landinum.

Betri Stuðulsgrunnurin veitir stuðul til tryggleikaskapandi, skaðafyribyrgjandi og sjúkufyribyrgjandi virksemi. Bjargingarvestarnir eru latnir, tí Betri ynskir, at trygdin á sjónum er í hásæti, tá kappróður er.

- Sum eitt serføroyskt samtak eru vit errin av føroyska tjóðarítróttinum. Vit hava eisini sum endamál at skapa tryggleika í Føroyum. Hesir bjargingarvestarnir eru ein liður í hesum endamálinum, og vónandi taka róðrarfólkini væl ímóti teimum, sigur Evy Jacobsen, stjóri í móðurfelagnum hjá Betri.

Vestarnir eru smidligir og lættir at vera í, og teir eru funnir í samráði við Róðrarsamband Føroya. Filmur er eisini framleiddur, har m.a. Sverri Nielsen greiðir frá, hví bjargingarvestar eru týdningarmiklir fyri trygd á sjónum.

Filmurin sæst omanfyri.