Agnar Prestá
Í vetur hevur ein rúgva av fólki glett seg til at síggja dystir í Betrideildini við vallirnar kring landið. 1. umfar er nú bert tvey smá samdøgur burtur, men sunnudagin vera eingir áskoðarar kring vallirnar.
FSF hevur í kvøld avgjørt, at fylgja tilmælinum ið Heilsumaálaráðið kom við fyrr í kvøld, tá talan er um almenn tiltøk. Tað ljóðaði, at tað helst ikki skulu haldast tiltøk í Føroyum komandi tvær vikurnar, har tað eru fleiri enn 500 fólk savnaði.
Les eisini: Landsstýrið ræður frá at halda tiltøk fyri fleiri enn 500 fólkum
Greitt er nú, at eingin áskoðari sleppur til dystirnar í tveimum teimum fystu umførunum í Betrideildini hjá monnum. Hetta hava feløgini fyri lítlari løtu fingið skriv um.
Televarpið fer kortini at vísa allar dystirnar - eina á Ras 1 og hinar á gjaldsrásunum.
Les her hvat varaaðalskrivarin í FSF segði um fótbólt og coronavirus:
- Vit fylgja tilmælunum frá myndugleikunum
Kvinnulandsdysturin mánadagin móti Estlandi verður eisini spældur uttan áskoðarar, boðar FSF frá. Fyrr í dag gjørdist greitt, at um venjingardysturin hjá A-landsliðnum hjá monnum í Herning 27. mars verður leiktur, so verður tað uttan áskoðarar.
Vinarliga broyt tínar kennifíla - og privatlívsstillingar fyri at síggja hetta innihald