Botnstríðið á breddanum

Miðvikuumfar er í Premier League, og tað er mest spenningur um dystirnar í morgin, har Liverpool og City halda á við oddastríðnum, og Chelsea og Tottenham hittast. Men í kvøld eru fýra dystir, har tað snýr seg um tætta botnstríðið

19.45: Cardiff - Everton 
           Huddersfield - Wolves
           Leicester - Brighton

20.00: Newcastle - Burnley (TV3 MAX/Viaplay) 

Tað er serliga dysturin í Newcaslte, har nógv er uppá spæl. Burnley er á vitjan, og liðið hjá Sean Dyche hevur viðvind í løtuni. Leygardagin vann Burnley á Tottenham, og hevur nú seks stig niður til strikuna. Newcastle er tvey stig aftanfyri, og stríðist fyri at koma longur upp á stigatalvuna. Liðini fara helst at spæla ein tættan og harðan dyst, har stigini hava stóran týdning. 

Leicester er á veg at seta nýggjan venjara, og tekur í kvøld ímóti Brighton. Bæði liðini hava tørv á stigum, fyri ikki at gerast ov innblandað í niðurflytingarstríðið, Bæði liðini eru í einari ógvuliga ringari gongd, og tað er serliga í Brighton, at har er orsøk til at stúra. 

Hjá Huddersfield er tað so gott sum farið, og trý stig í kvøld eru avgjørt eitt krav, um liðið skal bjarga sær. Cardiff skal reisa seg eftir eyðmýkjandi tapið fyri Watford fríggjakvøldið. Tað er bert eitt stig niður til Southampton á 18. plássi, og tað er á heimavølli, at walisiska liðið skal fáa stig. Everton kann ikki kenna seg heilt trygt enn. 


Støðan undan 28. umfari: 

* Ein dyst færri