Agnar Prestá
Deildarspælið í Champions League kemur at enda í kvøld. Hetta er tað fyrsta nakrantíð av sínum slagi, og tað er ógvuliga blandað, hvat fólk halda um hesu nýggju skipanina, sum hevur avloyst teir átta bólkarnar við fýra liðum í hvørjum og seks dyst.
Á ymiskan hátt kann tað tykjast óaáhugavert við 36 liðum og dystum móti átta ymiskum liðum, og tað er ikki heilt sama kenslan, nú hetta skal avgerðast síðst í januar.
Nakað av spenningi er tó. Tað eru bert Liverpool og Real Madrid, sum heilt víst eru víðari til áttandaparsfinalurnar. Síðani er ein stórur bólkur av liðum, sum kappast um seinastu seks plássini, ið geva beinleiðis atgongd til fyrsta veruliga knock-out umfari.
Liðini, sum enda millum nummar 9 og 24 skulu, skulu spæla móti hvørjum øðrum í play-off umfari í februar.
Manchester City hevur havt eitt vánaligt kappingarár higartil og skal stríðast til síðstu løtu fyri bara at koma í topp-24. Enska meistaraliðið skal vinna á Club Brügge og hava nakað av hjálp í kvøld - tað burdi gingið, men møguleikin fyri at enda uttanfyri er har.
PSG, ið spælir í Stuttgart, er eisini kroyst. Øll liðini spæla samstundis í kvøld.
Dystirnir í 8. og seinasta umfarinum:
Allir byrja klokkan 20 føroyska tíð
PSV - Liverpool
Bayern München - Slovan Bratislava
Borussia Dortmund - Shakhtar Donetsk
Bayer Leverkusen - Sparta Prag
Girona - Arsenal
Barcelona - Atalanta
Brest - Real Madrid
Man City - Club Brügge
Young Boys - Crvena Zvezda (Reyða Stjørna)
Lille - Fetenoord
Juventus - Benfica
Aston Villa - Celtic
Dinamo Zagreb - AC Milan
Inter Milan - Monaco
Sturm Graz - RB Leipzig
RB Salzburg - Atletico Madrid
Sporting CP - Bologna
Stuttgart - PSG
Støðan í deildarspælinum sæst HER
Vinarliga broyt tínar kennifíla - og privatlívsstillingar fyri at síggja hetta innihald