Annað

Daniel Sundell hevur havt venjingarlegu í Bylgjuni í Runavík

Kendur svenskur venjari leggur Støkk-fimleikarum lag á.

2019-12-03 07:42 Author image
Tíðindaskriv

Farna vikuskifti skipaði  Fimleikagelagið Støkk fyri nøkrum venjingardøgum, har venjarin Daniel Sundell, sum hevur felagið Coach Dan Gymnastics, var høvuðsvenjari.

Hettar var ein liður í at stimbra venjarar og íðkarar á amboðssíðuni hjá felagnum. Daniel er sera kendur innan amboðsfimleik í Svøríki, har hann millum annað hevur verið venjari hjá juniorlandsliðinum, og hevur verið við til at menna ta svensku kappingar- og útbúgvingar fimleikaskipanina.

Í løtuni arbeiðir hann sum ráðgevi hjá fleiri fimleikafeløgum í Norðurlondum, og hevur eisini egið venjingarhøli uttan fyri Stokkholm. Málið við vitjanini í Føroyum var, at geva amboðsíðkarum og -venjarum nýggjan íblástur og ikki kann sigast annað enn, at tað hava tey hava fingið.

Fleiri nýggj lop og rørslur vórðu roynd, har venjararnir síðan fingu undirvísing í menning av lopunum. Daniel Sandell skipaði eisini fyri einum venjaraskeiði fyri allar breiddaramboðsvenjararnar hjá Støkk.

Daniel er sera aktivur á sosialu miðlunum og her eru nøkur brot frá vikuskiftinum í fimleikahøllini Bylgjuni í Runavík:

 

placeholder
placeholder