Danir í stórum stíli

Meginumfarið í HM-endaspælinum fór í gongd í gjár. Hetta við seks dystum - trimum í bólki 1 og trimum í bólki 2.

Fyrsta av trimum umførum í meginumfarinum: 

Bólkur I
1. Danmark 6 stig
2. Týskland 4 stig
-------------------
3. Italia 4 stig
4. Sveis 3 stig
5. Kekkia 1 stig
6. Tunesia 0 stig

Í gjár, týsdagin 21. januar:
Sveis - Tunesia 37-26
Kekkia - Italia 18-25
Danmark - Týskland 40-30

Heilt stóri dysturin á degnum var í Herning, har verulig álopsódn var 1. hálvleiki. Bæði liðini spældu framúr væl  - serliga heimaliðið við spælarum sum Mathias Gidsel og Simon Pytlick í heimsflokki. Fyrrnevndi hevði tíggju mál og ellivu upplegg í 40-30 sigrinum á hinum OL-finalistinum frá í summar.

Danmark var allatíð omaná og er framvegis stórfavorittur í endaspælinum. Jóhan á Plógv Hansen kom ikki á vøllin í lívligu Jyske Bank Boxen.

Simon Pytlick í gjøgnumbroti. Týskarar megnaðu ikki at tálma Flensburg-spælaranum og nógvum av hinum í reyðum (Mynd: EPA)

Danmark er nú nærum víðari til fjórðingsfinalurnar. Fyrr á degnum settu Sveis og serliga Italia seg í betri støðu. Hjá Italia var talan um fyrsta sigurin á einum evropeiskum landi í einum endaspælið nakrantíð. Málverjin Domenico Ebner var stóri maðurin við 15 bjargingum.

Bólkur II
1. Frakland 6 stig
2. Niðurlond 4 stig
--------------------
3. Ungarn 3 stig
4. Eysturríki 3 stig
5. Norðurmakedónia 2 stig
6. Katar 0 stig

Í gjár, týsdagin 21. januar:
Eysturríki - Norðurmakedónia 29-29
Katar - Niðurlond 37-38
Ungarn - Frakland 30-37

Framvegis eingin slingur í valsinum hjá Fraklandi sum vann trygt á Ungarn. Niðurlond megnaðu at standa móti trýstinum móti Katar, og næsta mótsstøðuliðið hjá Føroyum í EM-undankappingini, liggur í løtuni til at koma víðari saman við evropameistarunum. Tey spæla móti hvørjum øðrum í annaðkvøld, hósdagin.

Øll hesi liðini spæla aftur í morgin, 23. januar. Sí dystarskránna her.

Seks dystir eru aftur á skránni í dag, mikudagin 22. januar. Millum annað hevur Noreg lagnudyst móti Spania.

Bólkur III
Portugal 4 stig
Svøríki 3 stig
Spania 3 stig
Brasil 2 stig
Noreg 0 stig
Kili 0 stig

Í dag, mikudagin 22. januar
14.30: Brasil - Kili
17.00: Svøríki - Portugal
19.30: Noreg - Spania

Bólkur IV
Egyptaland 4 stig
Ísland 4 stig
Kroatia 2 stig
Slovenia 2 stig
Kap Verde 0 stig
Argentina 0 stig

Í dag, mikudagin 22. januar
14.30: Slovenia - Argentina
17.00: Kap Verde - Kroatia
19.30: Egyptaland - Ísland

Trý umfør eru, har liðini spæla móti teimum, ið tey ikki longu hava spælt ímóti í endaspælinum.

Tvey lið koma víðari úr hvørjum bólki til fjórðingsfinalurnar